消文(2011/08/25)

2011/08/25初版；2015/09/02修訂(取消黑底白字樣式)；2020/11/04三版(變更字體；藏文改採泰式分散對齊，並嵌入ཏྲེ་ཧོར།版四家注)

論之本文——p. 23002

若爾當如何修？「須從最初次第學習。」

^{p. 23002}

_{tib. p. 31820}

འོ་ན་ཅི་ཙུག་བྱེད་^བཞུས་པ་ན་དང་པོ་ནས་གོ་རིམ་དུ་བསླབས་ནས་བྱེད་པ་ཞིག་དགོས་གསུང༌། གསུམ་འདིའི་དོན་བྱང་ཆུབ་ཀྱི་སེམས་རྒྱུད་ལ་མ་སྐྱེས་ན་བྱང་ཆུབ་སེམས་དཔའ་འོང་ཐབས་མེད་ཅིང་། དེ་སྐྱེ་བ་ལ་སྦྱོང་དགོས། དེ་ཡང་ཕུར་ཚུགས་སུ་སྦྱངས་པས་མི་ཡོང་བས་སྐྱེས་བུ་གསུམ་གྱི་ལམ་རིམ་གྱིས་སྦྱངས་ཤིང་། ཁྱད་པར་དེ་ཡི་རྩ་བ་སྙིང་རྗེར་འདོད། །ཅེས་པ་ལྟར་བྱམས་སྙིང་རྗེ་ཐུགས་དམ་གྱི་མཐིལ་དུ་བྱེད་དགོས་གསུངས་པ་སྟེ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་པའི་སྐབས་ཀྱི་རྣམ་བཤད་སྙིང་པོ་རྒྱན་ལས། དེས་ན་འདོད་དོ།། གང་ན་བླ་ན་མེད་པའི་བྱང་ཆུབ་དེའོ།། གང་གི་དོན་དུ་ན་གཞན་གྱི་དོན་དུའོ།། ཞེས་པས་དོན་དུ་གཉེར་བྱ་བྱང་ཆུབ་དང་། གཞན་དོན་གཉིས་བྱང་ཆུབ་སྔོན་ལ་འབྱུང་ཡང་། ^བདེ་གཉིས་དོན་གཉེར་གྱི་བསམ་པ་ནི་གོ་རིམ་ལྡོག་སྟེ་སྐྱེ་དགོས་པར་ཤེས་པར་བྱའོ།། ཞེས་པ་དང་། གཞན་དོན་འདོད་པ་སེམས་བསྐྱེད་ཀྱི་རྒྱུར་བསྟན་པས་ཐེག་ཆེན་ལམ་གྱི་གོ་རིམ་ལ་མཁས་པ་དང་བྱང་ཆུབ་འདོད་པ་སེམས་བསྐྱེད་ཀྱི་གྲོགས་སུ་བསྟན་པས་ཐེག་ཆེན་ལམ་གྱི་ངོ་བོ་ལ་མཁས་པའི་ཆེད་དུ་ཡིན་ནོ།། ཞེས་པ་དང་། ཡང་དང་པོར་གཞན་དོན་ཕྱིར་ཞེས་པས་དོན་གྱིས་འཕངས་པའི་གཞན་དོན་དོན་གཉེར་གྱི་བློ་སྦྱངས། དེ་ནས་བྱང་ཆུབ་འདོད་ཅེས་པས་དོན་གྱིས་འཕངས་པའི་བྱང་ཆུབ་དོན་གཉེར་གྱི་བློ་སྦྱངས། ཞེས་སོགས་གསུངས་པ་དང་དགོངས་པ་གཅིག་ཏུ་གནས་སོ་སྙམ་དུ་ཁོ་བོ་སེམས་སོ།།  ^ཇའདིའི་དོན་སྤྱིར་སེམས་བསྐྱེད་ཀྱང་གཞན་དོན་དོན་གཉེར་དང་བྱང་ཆུབ་དོན་གཉེར་རིམ་ཅན་དུ་སྦྱོང་བ་མངོན་རྟོགས་རྒྱན་དང་སྤྱོད་འཇུག་ལྟ་བུ་ཡིན་ལ། དེ་ལ་རེ་རེ་ལའང་རིམ་ཅན་དུ་རྒྱུ་འབྲས་མན་ངག་བདུན་གྱིས་སྦྱོང་དགོས་པའི་མན་ངག་བདུན་གྱི་བཏང་སྙོམས་ཀྱང་དང་པོར་སེམས་ཅན་བར་མ་དང་། དེ་ནས་དགྲ་གཉེན་ལ་དང་། དེ་ནས་སེམས་ཅན་ཐམས་ཅད་ལ་སྦྱོང་ཞིང་། དེ་བཞིན་དུ་མར་ཤེས་ལ་དང་པོ་མ་ལ་བསྒོམ། དེ་ནས་ཕ་ལ་དང་། དེ་ནས་གཉེན་ལ་དང་། དེ་ནས་དགྲ་ལ་དང་། དེ་ནས་སེམས་ཅན་ཐམས་ཅད་ལ་བསྒོམ་པ་ནས། སེམས་བསྐྱེད་ལའང་དང་པོ་སངས་རྒྱས་ཀྱི་ཡོན་ཏན་དྲན་པའི་དད་པ་དང་། དེ་ནས་གཞན་དོན་དུ་མ་ཟད་རང་དོན་དུའང་སངས་རྒྱས་ཐོབ་དགོས་ཚུལ་གྱི་དོན་གཉེར་དང་། དེ་ནས་དེ་ཐོབ་འདོད་ཀྱི་སེམས་བསྐྱེད་པ་དེ་ཡིན་ཏེ། དེའི་ནང་གི་བྱམས་པ་ལྟ་བུའང་དང་པོ་མོས་སྒོམ་དང་རིགས་པས་བསྒོམ་པ་གཉིས་ཀ་ལ་མཛའ་བཤེས་དང་བར་མ་དང་དགྲ་གསུམ་རེ་རེ་དང་། དེ་ནས་དེ་གསུམ་གཉིས་རེ་དང་། དེ་ནས་གསུམ་དང་བཞི་སོགས་ནས་ཤར་ཕྱོགས་ཁྱབ་པ་དང་། དེ་བཞིན་དུ་ཕྱོགས་བཅུར་ཁྱབ་པར་རིམ་གྱིས་སྒོམ་དགོས་པའི་ཕྱིར་ཏེ། མོས་པས་བསྒོམ་ཚུལ་ཉན་ས་ལས། དེ་ལ་ལས་དང་པོ་བ་བྱམས་པ་བསྒོམ་པ་ལ་བརྩོན་པ་ཞེས་པ་ནས་དང་པོ་ཁོ་ནར་མཛའ་ཤེས་ཀྱི་ཕྱོགས་གཅིག་དང་། དགྲ་བོའི་ཕྱོགས་གཅིག་དང་། ཐ་མལ་པའི་ཕྱོགས་གཅིག་ལ་མོས་པར་བྱ་སྟེ། ཞེས་པ་ནས། དེའི་འོག་ཏུ་མཛའ་བཤེས་ཀྱི་ཕྱོགས་གཅིག་དང་གཉིས་དང་གསུམ་དང་བཞི་དང་ལྔ་དང་བཅུ་དང་ཉི་ཤུ་དང་སུམ་ཅུ་དང་བཞི་བཅུ་ལྔ་བཅུ་ནས་སྔ་མ་བཞིན་དུ་ཕྱོགས་མཚམས་ཐམས་ཅད་ཀྱི་བར་དག་མཛའ་བཤེས་ཀྱི་འདབ་ཆགས་སུ་གང་སྟེ་གང་དུ་འདབ་ཆགས་སུ་མ་གྱུར་པའི་གོ་སྐབས་ནི་ཐ་ན་འཁར་བའི་རྩེ་མོ་གཟུགས་པའི་གཏོས་ཙམ་ཡང་མེད་པར་མོས་པར་བྱའོ།། མཛའ་བཤེས་ཀྱི་ཕྱོགས་ལ་ཇི་ལྟ་བ་བཞིན་དུ་དགྲའི་ཕྱོགས་དང་ཐ་མལ་པའི་ཕྱོགས་ལའང་རིགས་པར་བྱའོ།། ཞེས་གསུངས་པའི་ཕྱིར་རོ།། ཇོ་བོ་ཡབ་སྲས་ཀྱི་གསུང་རྒྱུན་བློ་སྦྱོང་གི་རིམ་པར་ཡང་དེ་ལྟར་བཤད་ཅིང་། རིགས་པས་བྱམས་པ་རིམ་གྱིས་སྒོམ་ཚུལ་ཡང་ཉན་ས་ལས་བྱམས་པའི་སྦྱོང་བ་དེའང་མི་སྤོང་བར་བྱམས་པ་སྒོམ་བཞིན་དུ་ཅེས་པ་ནས། འདི་ལྟ་སྟེ་བདག་ཀྱང་གཞན་དག་གི་མཛའ་བཤེས་སུ་གྲགས་པ་ཡང་ཡིན། དགྲ་བོར་གྲགས་པ་ཡང་ཡིན་ནས། དེ་ནི་ནང་གི་ལུས་ལ་ལུས་ཀྱི་རྗེས་སུ་ལྟ་བའི་བྱམས་པ་བསྒོམ་པ་ཡིན་ནོ་ནས། དེ་ཕྱི་རོལ་དང་ནང་གི་ལུས་ལ་ལུས་ཀྱི་རྗེས་སུ་ལྟ་བའི་བྱམས་པ་བསྒོམ་པ་ཡིན་ནོ་ཞེས་གསུངས་པའི་ཕྱིར། དེ་དག་གིས་རང་ལ་གཞན་གྱི་དགྲ་གཉེན་ངེས་མེད་ཀྱི་བྱམས་པ་དེ་ནང་ལུས་ཀྱི་དྲན་ཉེ་དང་ཕྱིའི་སེམས་ཅན་ལ་དེ་ལྟར་མོས་པའི་བྱམས་པ་ཕྱིའི་ལུས་དྲན་ཉེ་དང་། ཕྱི་ནང་གཉིས་ཀར་དགྲ་གཉེན་ངེས་མེད་བསྒོམ་པ་ཕྱི་ནང་གཉིས་ཀའི་ལུས་དྲན་ཉེར་བཤད་དེ། ཁ་དོག་དབྱིབས་སོགས་ཀྱི་སྒོ་ནས་ལུས་ལ་དམིགས་པའི་ཕྱིར་ཏེ། ཉན་ས་ལས། རྣལ་འབྱོར་བས་གཟུགས་ཀྱི་མཚན་མ་ཁ་དོག་དང་དབྱིབས་ཀྱི་མཚན་མ་དང་རྣམ་པར་རིག་བྱེད་ཀྱི་མཚན་མ་བཟུང་ནས་མཛའ་བཤེས་དགྲ་བོ་ཐ་མལ་པའི་ཕྱོགས་ལ་མོས་པར་བྱེད་པ་ན་དེའི་ཕྱིར་དེ་ནི་ལུས་དྲན་པ་ཉེ་བར་བཞག་པ་ཕན་ཡོན་ཞེས་སམ་མདོ་ལས་ཀྱང་དེ་ལྟར་བཤད་པའི་ཕྱིར་དང་། སྒོམ་རིམ་སོགས་རྒྱས་ཏེ། བརྒྱད་སྟོང་ལས། ཚེ་དང་ལྡན་པ་ཤཱ་རིའི་བུ། ཁོ་བོ་ནི་བྱང་ཆུབ་སེམས་དཔའ་ཆེན་པོ་དཀའ་བ་སྤྱད་པ་སྤྱོད་པར་མི་འདོད་དོ།། གང་དཀའ་བ་སྤྱོད་པར་འདུ་ཤེས་པས་སྤྱོད་པ་དེ་ནི་བྱང་ཆུབ་སེམས་དཔའ་མ་ཡིན་ནོ།། དེ་ཅིའི་ཕྱིར་ཞེ་ན། ཞེས་པ་ནས། དེ་བས་ན་བྱང་ཆུབ་སེམས་དཔའ་ཆེན་པོས་སེམས་ཅན་ལ། མར་འདུ་ཤེས་པ་དང་། ཕར་འདུ་ཤེས་པ་དང་། བུར་འདུ་ཤེས་པ་དང་། བུ་མོར་འདུ་ཤེས་བསྐྱེད་པར་བྱའོ།། བདག་ཉིད་ཀྱི་བར་དུ་འདུ་ཤེས་བསྐྱེད་པར་བྱ་སྟེ། ཇི་ལྟར་བདག་ཐམས་ཅད་དུ་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་སྡུག་བསྔལ་ཐམས་ཅད་ལས་ཐར་པར་བྱ་བ་དེ་བཞིན་དུ་སེམས་ཅན་ཐམས་ཅད་ལ་ཡང་འདུ་ཤེས་འདི་ལྟར་བསྐྱེད་པར་བྱ་སྟེ། བདག་གིས་སེམས་ཅན་འདི་དག་ཐམས་ཅད་ཡོངས་སུ་མི་གཏོང་ངོ་།། བདག་གིས་སེམས་ཅན་འདི་དག་ཐམས་ཅད་སྡུག་བསྔལ་གྱི་ཕུང་པོ་དཔག་ཏུ་མེད་པ་ལས་ཐར་པར་བྱའོ།། བདག་གི་ལུས་བརྒྱར་གཏུབ་ཀྱང་ཐ་ན་འདི་དག་ལ་གནོད་སེམས་ཀྱང་མི་སྐྱེད་སྙམ་དུ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་བསྐྱེད་པར་བྱའོ།། གལ་ཏེ་སེམས་དེ་ལྟར་སྤྱོད་ན་དཀའ་བའི་འདུ་ཤེས་སུ་གནས་པ་མིན་ནོ་ཞེས་དང་། སྡུད་པར་ཡང་། སངས་རྒྱས་ཐེག་པ་འདི་ལ་ངེས་པར་འབྱུང་འདོད་གང་། །འགྲོ་བ་ཀུན་ལ་སེམས་སྙོམས་ཕ་མའི་འདུ་ཤེས་དང་། །ཕན་པའི་སེམས་དང་བྱམས་པའི་ཡིད་ཀྱིས་བཏུལ་བྱ་ཞིང་། །ཐ་བ་མེད་ཅིང་དྲང་ལ་ཚིག་འཇམ་སྨྲ་བར་བྱ། །ཞེས་དང་། ཏིང་ངེ་འཛིན་རྒྱལ་པོར་ཡང་། གཞོན་ནུ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་མཁས་པ་ཡིན་ཞེ་ན། གཞོན་ནུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ལ་ཉེ་དུའི་སེམས་ཉེ་བར་བཞག་སྟེ་སེམས་ཅན་ཐམས་ཅད་ཀྱི་དགེ་བའི་རྩ་བ་དང་བསོད་ནམས་ཀྱི་ཕུང་པོ་ཅི་ཡོད་པ་ལ་བྱང་ཆུབ་སེམས་དཔའ་སེམས་དཔའ་ཆེན་པོས་རྗེས་སུ་ཡི་རང་བར་བྱ་སྟེ། ཉིན་ལན་གསུམ་མཚན་ལན་གསུམ་དུ་སེམས་ཅན་ཐམས་ཅད་ཀྱི་དགེ་བའི་རྩ་བ་དང་། བསོད་ནམས་ཀྱི་ཕུང་པོ་ལ་རྗེས་སུ་ཡི་རང་ནས་ཐམས་ཅད་མཁྱེན་པ་ཉིད་ལ་དམིགས་པའི་སེམས་བསྐྱེད་པའི་དགེ་བའི་རྩ་བ་དང་། བསོད་ནམས་ཀྱི་ཕུང་པོ་དེ་སེམས་ཅན་ཐམས་ཅད་ལ་བཏང་བར་བྱའོ།། གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་མཁས་པ་ལས་བྱུང་བའི་བསོད་ནམས་ཀྱི་ཕུང་པོ་དེ་དང་ལྡན་པས་མྱུར་དུ་ཏིང་ངེ་འཛིན་དེ་ཐོབ་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ་ཞེས་སོ།། འཛིན་པ་ཐམས་ཅད་མཚན་འཛིན་ཡིན་ན་དེ་འདྲའི་འདུ་ཤེས་འབད་ནས་གྱིས་ཤིག་གསུང་བ་མཚན་འཛིན་ནམ་བདེན་འཛན་འབད་ནས་སྒོམ་ཞིག་གསུངས་པར་འགྱུར་བས་འདུ་ཤེས་ཐམས་ཅད་བདེན་འཛིན་མིན་པར་ཤེས་སོ།།

^{tib. p. 31901}

消文紀錄——

若爾當如何修：那麼，應當如何修習呢？

須從最初次第學習：必須從一開始就按照次第學習。

我對這段本文之理解——

從文義判斷，似乎書本的排版有問題，消文者認為這句應該印在第一行，在尊者說「唯藏人能知」之後，有云：「若爾當如何修？」尊者即答曰：「須從最初次第學習。」

前一則　下一則